CASA DI RIPOSO SAN GIUSEPPE

Casa di riposo San Giuseppe
 
Cumpà, la San Giuseppi nsirragghiò.
La casa di riposu, propriu chissa.
E certu, quannu testa non ci pò,
senza tarì nun si ni canta, missa.
 
Dopu tant'anni e tanti quipperquò
rivammu a lu stampari crucifissa
ca ormai l'urtima spranza s'aggiuccò
e la michiunarìa vinci scummissa.
 
Povira vita, nta na società
ca si cumpiaci d'ogni caurrìa
e sinni futti di l'anzianità.
 
Chiù scuru 'i menzanotti nun pò fari.
Veru. Ma continuannu di sta via
stu scuru comu minchia n'ha gghiurnari!
 
Giovanni Piazza

CASA DI RIPOSO SAN GIUSEPPE

GAETANO MASUZZO, Piazza Armerina